Download the Pondoland Times app for breaking Eastern Cape news, community updates, jobs, and important stories from around you.
[optin-monster slug=”o1oltbelggnq0q5uohhx” followrules=”true”]
Umbutho we EFF kuzwelonke uqhwabele izandla uceba we EFF kwibhunga lomasipala wase Sajonisi nalapho kuvakala ukuba lo ceba wahamba umgama ogqithisileyo ekuncedeni iziko lezempilo lase Lutshaya ngobonelelo ngombane.
Kwinyanga ka Canzibe i-Pondoland Times yapapasha inqaku ngoceba wakwa Ward 18, e Lutshaya, owabhatalela eli ziko imali engama-6000 eerandi neyayityalwa yile klinikhi. Emva kweminyaka emithathu le klinikhi yathi yaqhawulelwa umbane ngenxa yeli tyala linento yokwenza nokuzixhumela umbane okungekho mthethweni, umbutho we EFF wandwendwela kuyo ukhokelwa ngu Cllr. Luvuyo Mafaka nowathi wakhupha kuye epokothweni.
Ukanti ngomhla wokuqala kule nyanga yeSilimela umbutho we EFF kuzwelonke ukhuphe ingxelo uvakalisa ukuba lo ceba ufumene imali engama-50 000 eerandi ukuze enze ezinye inkqubo zophuhliso kule wadi.
U Cllr. Luvuyo Mafaka uthe kuluvuyo kuye xa eqatshelwa nemisebenzi yakhe kuzwelonke.
[perfectpullquote align=”full” bordertop=”false” cite=”” link=”” color=”” class=”” size=””]”Ndivuyiswa kukuba ndibe ngowokuqala kweli phondo le Mpuma Kapa ophumeleleyo njengoceba oveleleyo kwinyanga ka Canzibe. Imali le ndiza kuyokukhangela ukuba kubantu bakuthi ingancedisa njani na ukubaphuhlisa” kucacisa lo ka Mafaka.[/perfectpullquote]
Ukanti isithethi we EFF, u Sinawo Tambo udize ukuba olu lukhuphiswano olujolise ekukhuthazeni ooceba be EFF ukuba bangasongi izandla koko baphakamele ukusebenzela isizwe njengokuthembisa kwabo. U Tambo ukwavakalise ukuba lo ka Mafaka sekulithuba emana ukubonakalisa umdla wokuphucula iimeko zabantu balo mmandla nanjengoko ekho namanye amaphulo awaqhubayo akumila kunje.
[perfectpullquote align=”full” bordertop=”false” cite=”” link=”” color=”” class=”” size=””]”Ukungenelela kuka Cllr. Mafaka kungumzekelo wokuzimisela kwakhe ukuqinisekisa ukuba uluntu lufumana iinkonzo zezempilo ezisemgangathweni” Kutsho u Tambo.[/perfectpullquote]
Ukanti imali engama-50 000 eerandi ephunyelelwe ngu Mafaka akukacaci ukuba iza kusetyenziswa kweliphi na icala nanjengoko umyalelo we EFF ungqingqwa kwelokuba maze isetyenziswe kwiinkqubo zophuhliso.
GET IMPORTANT UPDATES FIRST
Stay informed with news on agriculture, funding opportunities and jobs — so you don’t miss chances that could improve your income and future.
