Download the Pondoland Times app for breaking Eastern Cape news, community updates, jobs, and important stories from around you.
Ngokomlomo woceba wakwa Ward 16, u Cllr. Nelson Njomi iza kuphela le veki zifikile izixhobo zokwakha kumzi wama Xhegwazana amabini akwa Dlamini, kwilali yase Hlabathi, adilikelwe yindlu yawo ebihleli kwimeko engaginyisi mathe kakade.
Kwinyanga ka August kwavela umbiko wamaxhegwazana amabini ahlala odwa kwizindlu ezingawa nanini na. Ukanti kwiimvula zamva nje nezigqugqise ilali le enye kwezi zindlu iye yabhodloka.
Kuye kwanyanzeleka bahlale kuyo injalo. Kodwa u Cllr. Njomi uthi sele zifikile izinto zokwakha e Bizana.
Into eshiyekileyo kukuba zehle ziye kufika ekhaya ukuze kuqaliswe kungekudala ukwakhiwa kuba siyibonile imeko yelaa khaya. – Kucacise u Cllr. Njomi.
