Download the Pondoland Times app for breaking Eastern Cape news, community updates, jobs, and important stories from around you.
Ibhalwe ngu: Mbulelo Tshofela
Siphose ntoni?
Siyiphose phi?
Yimbhude-mbhude,
Yingxuba kaxaka esizweni,
Akukho nto ilungayo.
Kuzizijwili, kuzizikhalazo,
Zizityholo zizigxeko,
Elowo ekhomba komnye,
Nomnye enqanda,
Engavumi icekwa
Lilale kuye.
Bazali, bafundisi-ntsapho,
Bonyawontle, zinkokheli zoluntu.
Bantwana, bakhonzi,
Sizwe somzi omnyama,
Siphose ntoni?
Bazali luphi uqeqesho?
Zitishala iphi imfundo?
Bathanjiswa nimtheni uThixo, uMdali,
Zinkokheli nibasaphi abantu,
Mithetho mini eniyiwisayo,
Bazali niqeqesha ntoni,
Botishala nifundisa ntoni,
Bonyawontle nishumayela ntoni,
Zinkokheli nisisaphi isizwe,
Siphose ntoni?
Abazali bala ukuqeqesha,
Ootishala bala ukufundisa,
Oonyawontle bala ukutyhila uThixo, uMdali,
Inkokheli zala inyaniso.
Siphose ntoni?
Bazali ndiyabuza?
Botishala ndiyathetha,
Bonyawontle anindiva na,
Zinkokheli ndiphenduleni.
Siphose ntoni na?
DON’T MISS IMPORTANT DEADLINES AND PAYMENTS
Get clear updates on SASSA, applications, funding and local opportunities — including how to fix common issues and avoid delays.
