Obengumphathiswa worhulumento ngentsebenziswano kunye nemicimbi yemveli, Ugqirha Nkosazana Dlamini-Zuma utyunjelwe isebe elitsha ngethuba abaninzi bebelindele ukuba uza kuphunyuzwa. U gqirha Dlamini-Zuma wonyulwe njengomphathiswa oza kujongana nolutsha, amanina kunye nabo baphila nenkubazeko kwo ofisi ka mongameli. Eli sebe ngaphambili belikhokelwa ngu Maite Nkoane Mashabane.
Ukonyulwa kuka Dlamini-Zuma okuvakaliswe ngethuba umongameli Cyril Ramaphosa esothula intetho yakhe, ebhengeza uluhlu lwekhabhinethi yakhe, kubashiye nokungaxoli abaninzi besithi emdala nje uza kujongana njani nemicimbi edla abantu abatsha, bambi besithi kudlalwa nje ngabantu abatsha kuba umntu omdala njengogqirha Dlamini-Zuma uza kukhokela njani.
Ugqirha Dlamini-Zuma ungene epalamente njengomphathiswa wesebe lezempilo ngethuba umongameli Nelson Mandela engena kwi ofisi, ukusukela ngonyaka ka1994 ukuya ku 1999. Kuthe ngonyaka ka 1999 wonyulwa njengomphathiswa wesebe lezangaphandle ukuyaku 2009.
Subscribe Now for Exclusive Weekly Updates!
Enter your details below and be part of our community, unlocking premium content delivered to your inbox.
