Ke ukuba kubi emehlweni enu,
Ukumkhonza uYehova zinyuleleni owenu,
Eniya kumkhonza namhla ngokwenu!
Ze nikhumbule ukuba mna nendlu yam;
Siyakumkhonza uYehova;
Etsho echiza esingela ehamba.
Ndimlandela ndimbamba!
Ndifuna acacise ngakumbi angahambi,
Asukwe ngumsindo xa ndimbamba!
Asikaze ukundibamba;
Okunga uzandibetha ngempama!
Azibambe okunga ufuna nokundanga,
Ahlale phantsi nasebusweni engasemhlanga!
Ahambise endiyala,
Athi impumelelo luhambo lwemfihlakalo,
Oluqondwa ngabo bazi imfihlakalo,
Kuyenzeka ibekwe phakathi kwabantu abathile;
Ngenjongo zokufundiswa intobeko,
Intlonipho ubuntu,
Nokuhlonipha abathile,
Kuyingqiqo nokukuqonda,
Oku akutyhilelwanga nabani;
Yilo nto kubalulekile ukuhlonipha abantu,
Ungabajongeli phantsi.
Xa ungenanto ongayifunda kubo okungenani,
Jonga isakhiwo sabo,
UMdali uthetha kakhulu ngendalo yakhe;
Kodwa ukumva kudinga abaqiqileyo,
Ndilahleke ngakumbi kobo bumnyama buzingisileyo,
Okunga ndivalelwe enkrotyeni yabachutyiwe;
Bodwa,
Ndimbuze uthini?
Kanjani?
Athi ninjalo ke nina ngokuba neendlebe,
Kodwa ningeva;
Nijamile nangamehlo ningafuni kubona,
Abanye benu kudala basikelelwa;
Kodwa izinto zabo zibanjwe ngabantu,
Abajongela phantsi,
Batsho nokutsho ukuba ababaphiwanga.
Ngamanye amaxesha,
Ukuphakama kwakho;
Kudinga wehlele ngasezantsi,
Ulande izinto zakho,
Mntanam yazisa abantu!
Le ndlela ohamba ngayo,
Idinga abazithobayo,
Hay abazikhukhumezayo,
Kanti imvelo,
Ibasikelela ngakumbi abazilibalayo,
Bakhumbule abanye;
Kuba sonke kulo mhlaba,
Siphathiswe izinto zabantu,
Dedela izinto zabantu,
Wamkele ezakho.
Ndizibuze ngaphakathi kanjani,
Ndingakawuvuli ubesecacisa kanjani,
Athi mamela uhlalutye;
Kuyenzeka umntu ofileyo aphile nawe ungamboni;
Uhleke naye uveze olukugqibela;
Kanti wenze la nje wena,
Wafa kudala ngaphakathi,
Qho xa ehleli yedwa;
Uphila kwelabafileyo,
Qho xa ezakuphumela ngaphandle,
Ulwa naye uqobo,
Ezama ukuzibuyisela kwabaphilayo,
Ukuze amkeleke,
Mntanam yazisa abantu,
Unzima umthwalo,
Abawuthwele ngaphakathi,
Kungekho nongabathwalisa.
Lucy Impondokazi
Facebook: Lucy Impondokazi
Instagram: @lucyimpondokazi
