UMasipala wase Ntabankulu unikezele ngoNokontraka ozakulungisa indlela yase-Mbhongweni nanjengoko ibiyenye yeendlela ezachaphazelwa yintlekele (disaster stricken roads). Lendlela ingumgama ongage 4km nekulindeleke ukuba igqitywe kwisithuba senyanga ezintandathu.
Ohloniphekiyo uCllr Menziwa nobengu Sodolophu wosuku xa ebethetha nabahlali uthe:
intsebenziswano, ukuhloniphana kwanokulangazelela iinkozo ezisiwa eluntwini yeyonanto ezakuqhubela lomsebenzi phambili
Lo kaMenziwa uqhubeke ebongoza abahlali ukuba bancedisane nekhontraka ekugadeni izixhobo zokusebenza, ekwawukhalimela umkhwa wokutyhuthulwa kwematshini ngoba lonto idala ukuma komsebenzi.
Obethethela abahlali ubulele ngokungazenzisiyo kurhulumente ngomsebenzi omhle, uqhubeke wavakalisa ukuba abahlali bayavuya ngokuba urhulumente wabo enendlebe.
