Ngolwesihlanu umhla wamashumi amabini anethoba kwinyanga yoMsintsi kulonyaka umiyo, iSebe lezeMpilo eMpuma Koloni likwiphulo lokuvavanya kwaye lilumnkise uluntu ngezifo ezinxulumene nomhlaza kwisibhedlela sesithili iMadzikane KaZulu, KwaBhaca nalapho kufike khona oogqira abazingcaphephe kwizifo zomhlaza ezohlukeneyo.
Iinjongo zalenkqubo kukukhuthaza wonke ubani ukuba azazi ubume bempilo yakhe ngokuthi azivavanyele esisifo khona ukuze afumane unyango olululo kuselithuba xa efunyenwe enaso. Namhlanje kujongwe kakhulu kumhlaza webele, womlomo wesibeleko kwabasetyhini kunye nomhlaza wedlala lobudoda kubantu abangootata.
Abantu bayakhuthazwa ukuba baqhubeleke ukuza ngobuninzi babo nanjengoko ezinkonzo zizakuqhuba imini yonke yanamhlanje.
📰 At Pondoland Times, all articles are reported and verified by human journalists. Technology may support us, but people remain at the heart of our news.
Advertisement
